Waldorfskólinn í Lækjarbotnum óskar eftir kennurum í hlutastörf:

• stærðfræðikennara á unglingastigi
• tónlistarkennara

Í Lækjarbotnum er boðið upp á samfellt skólastig 2-16 ára barna og byggir starfið á uppeldisfræði Rudolfs Steiner. Jöfn áhersla er lögð á verklegt, listrænt og bóklegt nám. Unnið er samkvæmt flatri stjórnun þar sem starfsmannaráð ber ábyrgð á rekstri og innra starfi skólanna.

Í skólunum eru um 100 börn við leik og störf.

Skólinn er staðsettur 10 km austur af Árbæ í fallegum dal með ævintýralegu umhverfi.

Æskilegt er að umsækjandi hafi reynslu eða menntun í Waldorf uppeldisfræðum. Gerðar eru kröfur um að umsækjandi hafi fullt vald á íslenskri tungu.

Umsóknir sendist á gjaldkeri@waldorfskolinn.is  

Nánar >>

Keilusamband Íslands (KLÍ) leitar að íþróttastjóra í 50% starf

Aðalverkefni íþróttastjóra KLÍ er að:

• hafa yfirumsjón með landliðsverkefnum KLÍ, afrekshópum KLÍ og fylgja þar eftir afreksstefnu sambandsins
• vera í samskiptum við landsliðsþjálfara og landsliðsnefnd KLÍ, aðildarfélög þess, ÍSÍ og önnur sérsambönd eftir því sem við á
• skýrslugerðir ásamt öðrum tilfallandi verkefnum

Öll verkefni íþróttastjóra eru unnin í samræmi við lög og reglur KLÍ, ÍSÍ og annarra sem við á í samráði við stjórn KLÍ og landsliðsnefnd og samkvæmt fjárhagsáætlun sambandsins. Starfið heyrir undir stjórn KLÍ og er íþróttastjóri starfsmaður sambandsins.

Æskilegt er að viðkomandi umsækjandi hafi íþróttamenntun og brennandi áhuga á íþróttaiðkun. Umsækjandi þarf að búa yfir frumkvæði í starfi, góðum samskiptahæfileikum, hafa ágæt tök á tölvunotkun og ritmáli, bæði íslensku og ensku. Þekking á íþróttinni er kostur en ekki nauðsyn. Íþróttastjóri hefur aðstöðu á skrifstofu sambandsins Íþróttamiðstöðinni Laugardal. Vinnutími er sveigjanlegur en fer að mestu fram á skrifstofutíma með undantekningum.

Nánar >>